اسلام آباد: (رائیٹ ناوٴ نیوز) ترجمان دفتر خارجہ طاہر اندرابی نے ہفتہ وار نیوز بریفنگ میں کہا ہے کہ فیلڈ مارشل کے امریکا دورے سے متعلق رائٹرز کی خبر درست نہیں۔ انہوں نے عالمی اور خطائی امور پر پاکستان کا موقف بھی واضح کیا۔

دفتر خارجہ کے ترجمان نے فیلڈ مارشل کے امریکا دورے کی خبروں کی سختی سے تردید کی اور کہا کہ سرکاری دوروں کا اعلان حکومت پاکستان باضابطہ طور پر کرتی ہے۔

ترجمان نے بھارت کی سندھ طاس معاہدے کی خلاف ورزی پر تشویش کا اظہار کیا اور کہا کہ دریاؤں سے متعلق یکطرفہ اقدام خطے کے امن کے لیے خطرہ ہے۔

دفتر خارجہ نے بھارت میں اقلیتوں کے حقوق کی پامالی کی مذمت کرتے ہوئے بھارت کو مذہبی آزادی یقینی بنانے کی تلقین کی۔

ترجمان نے افغانستان میں دہشتگرد عناصر کی موجودگی پر تشویش کا اظہار کرتے ہوئے کہا کہ یہ خطے کے امن کے لیے خطرہ ہیں اور سلامتی کونسل کی رپورٹ پاکستان کے موقف کی تصدیق کرتی ہے۔