دنیا: (رائیٹ ناوٴ نیوز) جاپان دنیا کے بہترین ریلوے نظام میں پہلے نمبر پر آگیا ہے، جہاں تیز ترین ٹرینوں کا نیٹ ورک موجود ہے۔ ورلڈ اکنامک فورم کے مطابق، جاپان کا ریلوے نظام مکمل برقی ہے اور اعلیٰ معیار، وقت کی پابندی، دیکھ بھال اور آرام دہ سفر فراہم کرتا ہے۔

ہانگ کانگ دوسرے نمبر پر ہے، جہاں کا ایم ٹی آر سسٹم عالمی معیار کی مینٹیننس اور خودکار نظام کے باعث نمایاں ہے۔ سوئٹزرلینڈ تیسرے نمبر پر ہے، جس کا گھڑی کے مطابق ٹائم ٹیبل اور وسیع سرنگوں کا نیٹ ورک قابلِ اعتماد بناتا ہے۔

جنوبی کوریا چوتھے نمبر پر ہے، جہاں کے کے ٹی ایکس تیز رفتار روٹس اور مؤثر فریٹ مینجمنٹ کی وجہ سے ٹریک کی حالت بہتر رہتی ہے۔ سنگاپور پانچویں نمبر پر ہے، جہاں کا ریلوے نیٹ ورک جدید دیکھ بھال کے ذریعے اعلیٰ معیار کی سروس فراہم کرتا ہے۔

نیدرلینڈز چھٹے، فن لینڈ ساتویں، اسپین آٹھویں، تائیوان نویں اور آسٹریا دسویں نمبر پر ہیں۔ ہر ملک کا ریلوے نظام مخصوص خصوصیات کی بدولت انفرادی طور پر ممتاز ہے۔