واشنگٹن: (رائیٹ ناوٴ نیوز) امریکا نے مزید 20 ممالک کے شہریوں کے لیے داخلے پر پابندی عائد کر دی ہے، جس کے بعد پابندی کی زد میں آنے والے ممالک کی تعداد 39 ہو گئی ہے۔ یہ قدم وائٹ ہاؤس پر حملے کے بعد اٹھایا گیا ہے۔

نئی پابندیوں کی فہرست میں برکینا فاسو، مالی، نائیجر، جنوبی سوڈان، شام، انگولا، آئیوری کوسٹ، گیمبیا، ملاوی، موریطانیہ، نائجیریا، سینیگال، زیمبیا اور زمبابوے شامل ہیں۔ فلسطینی اتھارٹی کے پاسپورٹ پر سفر کرنے والے افراد کو بھی امریکا میں داخلے کی اجازت نہیں ہوگی۔

امریکی صدر نے بیان دیا کہ ایران کا ایٹمی پروگرام تباہ کر دیا گیا ہے اور مشرق وسطیٰ میں امن قائم ہوا ہے۔ 59 ممالک اب بین الاقوامی استحکام فورس میں شمولیت کے خواہاں ہیں۔ صدر نے کانگریس میں یہود مخالف لابیوں کی سرگرمیوں کا ذکر بھی کیا۔ ساتھ ہی، وینزویلا کے آئل ٹینکرز کی ناکہ بندی کے احکامات جاری کیے گئے ہیں۔