واشنگٹن: (رائیٹ ناوٴ نیوز) امریکی صدر ڈونلڈ ٹرمپ نے کہا ہے کہ سمندری راستوں سے منشیات کی ترسیل میں 94 فیصد کمی آئی ہے اور اب منشیات فروشوں کے خلاف زمینی کارروائی کا آغاز ہو رہا ہے۔

صدر ٹرمپ نے بتایا کہ یوکرین اور یورپی رہنماؤں کے ساتھ جنگ بندی پر مثبت بات چیت ہوئی ہے اور امریکہ یوکرین-روس تنازع کے خاتمے کے لیے بھرپور کردار ادا کر رہا ہے۔

انہوں نے کہا کہ فینٹانول کو وہ تباہ کن اسلحہ سمجھتے ہیں جو کیریبئن کے راستے اسمگل ہوتا ہے۔

صدر ٹرمپ نے بتایا کہ میکسیکو بارڈر سے غیر قانونی تارکین وطن کا داخلہ بند کر دیا گیا ہے اور بارڈر کو محفوظ بنایا گیا ہے۔

صدر نے میڈیا پر تنقید کرتے ہوئے اعلان کیا کہ بی بی سی کے خلاف قانونی کارروائی کی جائے گی۔

داخلی سلامتی پر بات کرتے ہوئے انہوں نے کہا کہ براؤن یونیورسٹی میں فائرنگ کرنے والے کو جلد گرفتار کیا جائے گا۔