لندن: (رائیٹ ناوٴ نیوز) برطانوی حکومت نے ایپل اور گوگل کو فحش مواد کی روک تھام کے لیے ایک نیا الگوردم شامل کرنے کی تجویز دی ہے۔ یہ اقدام خواتین اور لڑکیوں کے خلاف تشدد کو روکنے کے لیے اٹھایا جا رہا ہے۔

پہلے مرحلے میں اس تجویز کا اطلاق موبائل ڈیوائسز پر ہوگا، اور بعد میں اسے ڈیسک ٹاپ ڈیوائسز تک بڑھایا جا سکتا ہے۔ ایپل پہلے ہی کمیونیکیشن سیفٹی ٹولز فراہم کرتا ہے جنہیں والدین فعال کر سکتے ہیں تاکہ میسجز، ایئر ڈراپ اور فیس ٹائم میں فحش مواد کی شناخت کی جا سکے۔

نوجوان فلیگڈ تصاویر دیکھ سکتے ہیں جبکہ 13 برس سے کم عمر افراد کو پاسکوڈ استعمال کرنا ہوتا ہے۔ یہ تجویز چند دنوں میں باضابطہ طور پر پیش کی جائے گی۔