پشاور: (رائیٹ ناؤ نیوز) ڈی پی او ہری پور کی آفس میں ایک شہری کے بال بنوانے کی ویڈیو سوشل میڈیا پر وائرل ہوگئی۔ ویڈیو میں ایک یوٹیوبر کو آفس میں بال بنواتے ہوئے دیکھا جا سکتا ہے۔

پولیس حکام کے مطابق یوٹیوبر نے ریکارڈنگ سے قبل ڈی پی او ہری پور سے بال سیٹ کروانے کی درخواست کی تھی۔ یوٹیوبر کی درخواست پر حجام آفس آیا اور بال بنانے لگا۔

واقعے کے وقت ڈی پی او ہری پور آفس میں موجود نہیں تھے۔ اس ویڈیو کے وائرل ہونے پر آئی جی خیبرپختونخوا نے نوٹس لیا ہے۔ آر پی او ہزارہ کو انکوائری کرکے رپورٹ پیش کرنے کی ہدایت دی گئی ہے۔

یہ واقعہ پولیس آفسز کے نظم و ضبط پر سوالیہ نشان ہے۔ انتظامیہ کی جانب سے اس طرح کے واقعات کی روک تھام کے لیے اقدامات کی ضرورت ہے۔

یاد رہے کہ اس سے قبل بھی مختلف سرکاری دفاتر میں غیر رسمی سرگرمیوں کی ویڈیوز وائرل ہو چکی ہیں، جس پر حکام کو سخت اقدامات کرنے پڑے ہیں۔