مظفرآباد: (رائیٹ ناؤ نیوز) پاکستان پیپلز پارٹی کے چیئرمین بلاول بھٹو زرداری نے کہا ہے کہ کشمیر کے عوام کے ووٹ کا احترام ضروری ہے اور ہمارے صبر کا امتحان نہ لیا جائے۔

چیئرمین پیپلز پارٹی نے تقریب سے خطاب میں کہا کہ پیپلز پارٹی نے ہمیشہ قومی مفاد کو ترجیح دی ہے۔ ہم حکومت کے ساتھ ہیں تاکہ ملکی مسائل کا حل نکالا جا سکے، پاکستان اور عوام کا مفاد اولین ہے۔

بلاول بھٹو زرداری نے مزید کہا کہ اگر کوئی لڑائی چاہتا ہے تو تیار ہے، لیکن پیپلز پارٹی جمہوری اور آئینی آپشنز جانتی ہے۔ ہم احتجاج کرنا بھی جانتے ہیں اور اپنے حقوق کا تحفظ کریں گے۔

انہوں نے کہا کہ 10 اگست کو کشمیری عوام پیپلز پارٹی کو ووٹ دیں اور اپنے ووٹ کا تحفظ کریں۔ عوام کے ووٹ پر ڈاکہ ڈالنے کی اجازت نہیں دی جائے گی۔

واضح رہے کہ کشمیر کے عوام کے ووٹ سے ناانصافی ہوئی تو بلاول بھٹو زرداری خود ان کے ساتھ کھڑے ہوں گے۔ طاقت کا اصل سرچشمہ عوام ہیں اور کشمیر کا فیصلہ کشمیری عوام ہی کریں گے۔