عالمی سیمی کنڈکٹر مارکیٹ میں مہنگائی کی وجہ سے پاکستان میں موبائل فون کی قیمتوں میں اضافہ متوقع ہے۔ Qualcomm نے بھی چپ قیمتوں میں اضافے کا اعلان کیا ہے، جو عالمی صنعت پر اثر ڈالے گا۔
اسلام آباد: (رائیٹ ناؤ نیوز) عالمی سیمی کنڈکٹر مارکیٹ میں بڑھتی لاگت کے باعث پاکستان میں موبائل فون کی قیمتوں میں اضافہ متوقع ہے۔
صنعتی ذرائع کا کہنا ہے کہ مصنوعی ذہانت کے ڈیٹا سینٹرز کی طلب اور الیکٹرانک پرزہ جات کی قیمتوں میں اضافہ چپ لاگت میں نمایاں اضافہ کر رہا ہے۔
یہ اضافہ دنیا بھر کی موبائل صنعت پر اثر انداز ہو رہا ہے، جس سے صارفین کو چپ کی بڑھتی قیمتوں کا سامنا ہے۔
بین الاقوامی رپورٹس کے مطابق، Qualcomm نے مختلف چپس کی قیمتوں میں اضافے کی اطلاع دی ہے، جس سے عالمی موبائل مارکیٹ متاثر ہو سکتی ہے۔
یاد رہے کہ سیمی کنڈکٹر کی فراہمی میں مشکلات کی وجہ سے پہلے بھی موبائل فون کی قیمتوں میں اضافہ ہوا تھا۔
