لاہور: (رائیٹ ناؤنیوز) پاکستان ہاکی ٹیم کو ایف آئی ایچ ہاکی پرو لیگ میں مسلسل 16 شکستوں کا سامنا کرنا پڑا، آخری میچ میں انگلینڈ نے شکست دی۔

پاکستان ہاکی ٹیم کے کپتان عماد شکیل بٹ نے سوشل میڈیا پر معذرتی پیغام جاری کیا۔ انہوں نے کہا کہ نتائج ہماری توقعات کے مطابق نہیں آئے، قوم سے معذرت چاہتا ہوں۔

عماد بٹ نے کہا کہ شکست کا بوجھ اٹھانا آسان نہیں۔ ہم نے بہترین کھیل پیش کرنے کی کوشش کی، لیکن کامیابی نہیں ملی۔

پاکستان نے پرو لیگ میں 22 گول کیے جبکہ مخالف ٹیموں نے 79 گول داغے۔ عماد کا کہنا ہے کہ ہمیں اپنی صلاحیتوں کو بڑھانا ہوگا اور عملی اقدامات کی ضرورت ہے۔

یاد رہے کہ کپتان نے فیڈریشن اور حکومت سے کھلاڑیوں کو سہولیات دینے کی درخواست کی ہے۔ انہوں نے کہا کہ دیگر ٹیموں کی طرح منظم تربیتی نظام کی ضرورت ہے تاکہ کامیابیاں حاصل کی جاسکیں۔