کراچی: (رائیٹ ناوٴ نیوز) ملک بھر میں سونے کی قیمت میں بڑی تبدیلی دیکھی گئی ہے۔ سونے کی قیمت میں 3 ہزار روپے سے زائد کا اضافہ ہوا ہے۔

آل پاکستان جیمز اینڈ جیولرز ایسوسی ایشن نے بتایا ہے کہ پاکستان میں فی تولہ سونے کی قیمت میں 3 ہزار 400 روپے کا اضافہ ہوا ہے، جس کے بعد یہ قیمت 4 لاکھ 90 ہزار 362 روپے تک پہنچ گئی ہے۔

اسی طرح، 10 گرام سونے کی قیمت میں 2 ہزار 915 روپے کا اضافہ ہوا ہے، جو کہ اب 4 لاکھ 20 ہزار 406 روپے ہو گئی ہے۔

یہ بات قابل ذکر ہے کہ گزشتہ روز سونے کی قیمت میں 7100 روپے کی کمی دیکھی گئی تھی۔

واضح رہے کہ عالمی بازار میں بھی سونے کی قیمت میں تبدیلی آئی ہے، جہاں سونا 71 ڈالر کمی کے بعد 4642 فی اونس تھا، لیکن اب 153 ڈالر اضافے سے 4713 فی اونس ہو گیا ہے۔