کراچی: (رائیٹ ناوٴ نیوز) ذیابیطس کے مریضوں کے لیے شوگر فری یا نمکین بسکٹ کا استعمال محفوظ نہیں ہو سکتا، ماہرینِ غذائیت نے خبردار کیا ہے کہ یہ بسکٹ شکر کی سطح کو تیزی سے بڑھا سکتے ہیں۔

ماہرِ غذائیت ڈاکٹر ہرشیتا کا کہنا ہے کہ مارکیٹ میں دستیاب شوگر فری بسکٹ میں میدہ اور مالٹوڈیکسٹرین جیسے اجزاء شامل ہوتے ہیں جو گلوکوز کی سطح کو بڑھا سکتے ہیں۔

ریفائنڈ ویجیٹیبل آئل، ایمولسیفائر اور مصنوعی مٹھاس بھی ان بسکٹوں میں موجود ہوتے ہیں جو جسم میں سوزش بڑھا سکتے ہیں۔

ماہرین کے مطابق، ان بسکٹوں کو غذا سے ہٹانے پر شوگر لیول نارمل ہو سکتا ہے، اس لئے مریضوں کو گھر کے بنے اوٹس یا بغیر چھنے آٹے کے بسکٹ استعمال کرنے چاہئیں۔

ذیابیطس کے مریضوں کو لیبل پر بھروسہ کرنے کے بجائے اجزاء کی تفصیل دیکھ کر بسکٹ خریدنے کی عادت ڈالنی چاہیے۔