کراچی: (رائیٹ ناوٴ نیوز) امیر جماعت اسلامی پاکستان، حافظ نعیم الرحمان نے پیٹرولیم مصنوعات کی قیمتوں میں اضافے کو حکومت کی نااہلی قرار دیا ہے اور کہا کہ ایف بی آر کی ناکامی چھپانے کے لیے عوام سے براہ راست ٹیکس وصول کیا جا رہا ہے۔

ادارہ نور حق میں پریس کانفرنس میں انہوں نے کہا کہ حکومت نے پیٹرولیم کی قیمتوں میں 55 روپے کا اضافہ کیا جب کہ پیٹرول کا اسٹاک موجود ہے، جس پر وہ حیران ہیں۔ انہوں نے مزید کہا کہ فی لیٹر لیوی میں 20 روپے اضافہ کیا گیا ہے جو موٹرسائیکل سواروں پر زیادہ اثر ڈالے گا۔

حافظ نعیم الرحمان نے کہا کہ سرکاری ملازمین اور وزرا کو 1300 سی سی سے بڑی گاڑیوں کا استعمال نہیں کرنا چاہیے جبکہ امریکا اور اسرائیل کے ایران پر حملے کو دہشتگردی قرار دیتے ہوئے کہا کہ پوری پاکستانی قوم ایران کے ساتھ ہے۔