جنیوا: (رائیٹ ناوٴ نیوز) امریکی فوجی تحقیقات کے مطابق ایران کے جنوبی شہر میناب میں ایک گرلز اسکول پر حملے میں امریکی افواج کے ملوث ہونے کا امکان ہے، جس میں 165 بچے جاں بحق ہوئے۔

یہ حملہ ہفتے کے روز اسکول پر کیا گیا تھا، جبکہ ابتدائی طور پر ایران کے اقوام متحدہ میں سفیر علی بحرینی نے 150 طلباء کی ہلاکت کی اطلاع دی تھی، جو بعد میں 165 تک پہنچ گئی۔

ایران نے اس حملے میں جاں بحق ہونے والے طلباء اور عملے کے لیے اجتماعی جنازے کا اہتمام کیا۔

بین الاقوامی انسانی قوانین کے تحت کسی بھی اسکول، اسپتال یا دیگر شہری ڈھانچے پر جان بوجھ کر حملہ ایک جنگی جرم قرار دیا جاتا ہے۔