ایران: (رائیٹ ناوٴ نیوز) ایران اور اسرائیل کے درمیان بڑھتی کشیدگی کے دوران شمالی کوریا کے لیڈر کم جونگ اُن کی میمز سوشل میڈیا پر وائرل ہوگئی ہیں۔ یہ میمز ایسے وقت میں سامنے آئی ہیں جب امریکا اور اسرائیل کی جانب سے ایران کے خلاف فوجی کارروائیوں کی خبریں گردش کر رہی ہیں۔

سوشل میڈیا پر کم جونگ اُن کو ایک تماشائی کے طور پر پیش کیا جا رہا ہے جو عالمی ہنگامہ آرائی کو دور سے دیکھتے ہوئے طنز و مزاح کا نشانہ بنے ہیں۔ بعض میمز میں انہیں عالمی منظرنامے سے باہر رہ جانے پر پریشان مبصر کے طور پر دکھایا گیا ہے۔

کئی صارفین نے طنزیہ انداز میں لکھا کہ میزائل تجربات کے لیے مشہور رہنما اس وقت عالمی میدانِ جنگ سے غائب ہیں۔ ایک وائرل میم میں کم جونگ اُن کو دوربین سے دیکھتے ہوئے دکھایا گیا ہے، جس کے ساتھ کیپشن درج ہے: ‘بیٹا، کیا تم صورتحال کی نگرانی کر رہے ہو؟’

سوشل میڈیا پر یہ تخلیقی مگر طنزیہ لہر عالمی سیاسی بحران کی مزاحیہ عکاسی کرتی ہے۔