سڈنی: (رائیٹ ناوٴ نیوز) سابق آسٹریلوی کرکٹر عثمان خواجہ نے پاکستانی کرکٹرز پر جرمانہ کرنے کی خبر پر اپنا ردعمل ظاہر کیا ہے۔ عثمان خواجہ نے کہا کہ شروع میں انہیں یقین نہیں آیا کہ پاکستانی کھلاڑیوں پر جرمانہ کیا جا رہا ہے، کیونکہ کھلاڑی جان بوجھ کر ہارنے کی کوشش نہیں کرتے۔

انہوں نے کہا کہ جرمانے سے کھلاڑیوں پر دباؤ اور ذہنی تناؤ بڑھتا ہے، جس سے ان کی مستقبل کی کارکردگی پر اثر پڑ سکتا ہے۔ عثمان خواجہ نے اپنے ماضی کے تجربات کا ذکر کرتے ہوئے کہا کہ سلیکشن کے فیصلوں نے بھی ان پر دباؤ ڈالا تھا اور انہیں پاکستانی کھلاڑیوں کے لیے افسوس ہو رہا ہے۔