اسلام آباد: (رائیٹ ناوٴ نیوز) وزیر دفاع خواجہ آصف نے سوشل میڈیا پلیٹ فارم ایکس پر کہا ہے کہ پاکستانی افواج بھارتی حمایت یافتہ عناصر اور افغان جارحیت کا مؤثر جواب دے رہی ہیں۔ انہوں نے کہا کہ دشمن کو ناکامی کا سامنا ہوگا۔

خواجہ آصف نے کہا کہ موجودہ صورتحال میں قومی یکجہتی ضروری ہے۔ انہوں نے تحریک انصاف سے درخواست کی کہ خیبر پختونخوا اور وفاقی سطح پر دیگر صوبوں کے ساتھ مل کر دفاع وطن میں شریک ہوں۔

ھماری بہادر افواج اسوقت ھندوستان کی پراکسی طالبان و افغان جارحیت کا منہ توڑ جواب دے رہی ھیں ۔ شکست دشمن کا مقدر ھے انشا ء اللہ
اچھا ھو کہُ پی ٹی آئ پختونخواہ اور وفاقی سطح پہ اسوقت وفاق اور دوسرے صوبوں کیساتھ شانہ بشانہ دفاع وطن میں روز روشن کیطرح شریک ھو۔

— Khawaja M. Asif (@KhawajaMAsif) February 26, 2026

وزیر دفاع کے مطابق سیاسی اختلافات کو بالائے طاق رکھ کر قومی سلامتی کے معاملے پر مشترکہ مؤقف اختیار کرنا ضروری ہے۔ انہوں نے کہا کہ ملک کے دفاع پر کسی قسم کا سمجھوتہ نہیں کیا جائے گا۔

حالیہ سرحدی کشیدگی کے تناظر میں مختلف سیاسی رہنماؤں کی جانب سے افواج کے ساتھ اظہار یکجہتی اور قومی اتحاد کی اپیلیں کی جا رہی ہیں۔