پاکستانی جڑواں بچے سفیان اور یوسف ریاض پہنچ گئے، علیحدگی کی سرجری کی تیاری۔
ریاض: (رائیٹ ناوٴ نیوز) پاکستان کے باہم جڑے ہوئے بچے سفیان اور یوسف اپنے خاندان کے ہمراہ ریاض پہنچ گئے ہیں۔ شاہ سلمان بن عبدالعزیز اور ولی عہد شہزادہ محمد بن سلمان کی ہدایت پر انہیں علیحدگی کی سرجری کے لیے کنگ عبداللہ اسپیشلسٹ چلڈرن اسپتال منتقل کیا گیا۔
شاہی عدالت کے مشیر اور شاہ سلمان ہیومینٹیرین ایڈ اینڈ ریلیف سینٹر کے سپروائزر ڈاکٹر عبداللہ الربیعہ نے اس انسان دوست اقدام کے لیے سعودی قیادت کا شکریہ ادا کیا۔ اس سے قبل بھی کئی ممالک کے بچوں کی کامیاب سرجری کی جا چکی ہے۔
شاہ سلمان اور ولی عہد شہزادہ محمد بن سلمان ان سرجریز کے تمام اخراجات برداشت کرتے ہیں۔
