مدینہ منورہ کے بازار اور شاہراہیں رمضان کی مناسبت سے سجائی گئیں ہیں، مارکیٹوں میں سرگرمیوں اور طلب میں اضافہ دیکھا جا رہا ہے۔
مدینہ منورہ: (رائیٹ ناوٴ نیوز) مدینہ منورہ کے بازار اور شاہراہیں رمضان المبارک کی آمد کے پیش نظر خوبصورتی سے سجائی گئیں ہیں۔ بازاروں اور سڑکوں پر صفائی ستھرائی کے خصوصی اقدامات کئے گئے ہیں جبکہ روشنی کے نظام کو بہتر بنایا جا رہا ہے۔ مختلف مقامات پر برقی قمقمے اور خیرمقدمی پوسٹر آویزاں کیے گئے ہیں۔
رمضان المبارک کی آمد کے پیش نظر مارکیٹوں میں سرگرمیوں اور اشیائے ضروریہ کی طلب میں نمایاں اضافہ دیکھا جا رہا ہے، جبکہ متعلقہ ادارے خدمات کے معیار کو یقینی بنانے کے لیے مسلسل نگرانی کر رہے ہیں۔
