ڈھاکہ: (رائیٹ ناوٴ نیوز) بنگلا دیش کے عبوری سربراہ محمد یونس نے اپنے عہدے سے استعفیٰ دے دیا ہے۔ انہوں نے ایک قوم گیر نشری تقریر کے دوران اس کا اعلان کیا، جس میں انہوں نے کہا کہ حکومت اب سبکدوش ہو رہی ہے اور نئی منتخب حکومت کے آنے کا راستہ ہموار ہو چکا ہے۔ محمد یونس نے بنگلا دیش نیشنلسٹ پارٹی کے سربراہ طارق الرحمان کو عام انتخابات میں کامیابی پر مبارکباد دی اور جمہوری عمل کے تسلسل کی امید ظاہر کی۔

محمد یونس نے کہا کہ عبوری حکومت کی سبکدوشی کے بعد بنگلا دیش میں جمہوری عمل، آزادی اظہار اور بنیادی حقوق کو جاری رکھا جائے گا۔ انہوں نے بی این پی کی شاندار کامیابی کی تعریف کرتے ہوئے انتخابات میں ووٹرز اور سیاسی جماعتوں کی مثال قائم کرنے کو سراہا۔

واضح رہے کہ عبوری حکومت تقریباً 18 ماہ سے ملک چلا رہی تھی، اور یہ محمد یونس کی قیادت میں شیخ حسینہ کی حکومت کے خاتمے کے بعد قائم ہوئی تھی۔ گزشتہ ہفتے عام انتخابات میں بی این پی نے دو تہائی اکثریت حاصل کی جس کے بعد نئی حکومت کے قیام کا اعلان ہوا تھا۔