گوانگ ڈونگ: (رائیٹ ناوٴ نیوز) چین کے صوبہ گوانگ ڈونگ میں جیانگ جیانگ نامی شخص کو اپنی کمپنی کی پارٹی میں آئی فون 17 پرو میکس جیتنے کا انعام ملا، لیکن جب اس نے گھر جا کر ڈبہ کھولا تو اندر دو چاکلیٹ، تین لولی پاپس اور کچھ ٹائلز تھیں۔ کمپنی کے سربراہ نے پارٹی کے دوران انعام اور قیمت کا اعلان کیا تھا، مگر جیانگ کو حقیقت میں مذاق کا سامنا کرنا پڑا۔ جیانگ نے کہا کہ فون کی ضرورت نہیں تھی، لیکن مذاق کرنے والے کو معافی مانگنی چاہیے۔

جیانگ نے بتایا کہ پارٹی میں سب کو یقین تھا کہ اس نے آئی فون جیتا ہے، اور وہ اپنی بیوی کو سرپرائز دینے کے لئے پرجوش تھا۔ تاہم، انعامی آئی فون کی جگہ سستی اشیا دیکھ کر حیران رہ گیا۔ جیانگ کے مطابق، یہ دراصل ٹیم منیجر کا مذاق تھا، جبکہ کمپنی کے مالک نے فون کی خریداری کی اجازت نہیں دی تھی۔