اسلام آباد: (رائیٹ ناوٴ نیوز) پاکستان تحریک انصاف نے مطالبہ کیا ہے کہ بانی پی ٹی آئی عمران خان کا معائنہ خاندان اور ذاتی ڈاکٹرز کی موجودگی میں کروایا جائے۔

پی ٹی آئی رہنماؤں کا کہنا ہے کہ یکطرفہ طبی معائنہ انسانی حقوق اور جیل قوانین کی خلاف ورزی ہے۔ انہوں نے واضح کیا کہ بانی پی ٹی آئی کی صحت سے متعلق کسی بھی قسم کی رازداری قبول نہیں کی جائے گی۔

رہنماؤں نے مزید کہا کہ پارٹی کے تجویز کردہ مستند ڈاکٹروں اور ہسپتال میں طبی معائنہ یقینی بنایا جائے۔ بانی پی ٹی آئی کی صحت پر کوئی سمجھوتہ نہیں کیا جا سکتا۔