گجرات: (رائیٹ ناوٴ نیوز) سپیکر پنجاب اسمبلی ملک محمد احمد خان نے کہا کہ بانی پی ٹی آئی کے متعلق سپریم کورٹ کے حکم پر مکمل عملدرآمد کیا جائے گا۔

ملک احمد خان نے میڈیا سے گفتگو کرتے ہوئے بتایا کہ بانی پی ٹی آئی کی رپورٹ عدالت میں جمع کرائی گئی ہے اور انہیں پمز ہسپتال میں مکمل طبی سہولتیں فراہم کی گئی ہیں۔

سپیکر پنجاب اسمبلی نے کہا کہ عدالت کے حکم پر بانی پی ٹی آئی کی آنکھ کے مسئلے کی تحقیق کی جائے گی۔

انہوں نے مزید کہا کہ لوکل گورنمنٹ کے قوانین بن چکے ہیں اور الیکشن کمیشن حلقہ بندیوں کا عمل مکمل کر رہا ہے، جس کے بعد بلدیاتی الیکشن فوراً منعقد ہوں گے۔