دہلی: (رائیٹ ناوٴ نیوز) بھارتی امپائر انیل چوہدری نے پاکستانی اسپنر عثمان طارق کے بولنگ ایکشن کو درست قرار دیا ہے، جس سے پاک بھارت مقابلے سے قبل بھارتیوں کے خوف میں اضافہ ہو گیا ہے۔

آئی سی سی ٹی ٹوئنٹی ورلڈکپ میں اتوار کو ہونے والے پاک بھارت ٹاکرے سے قبل پاکستانی اسپنر عثمان طارق کے بولنگ ایکشن پر سوالات اٹھائے جا رہے تھے۔ تاہم انیل چوہدری نے کہا کہ عثمان کا ایکشن آئی سی سی کے قوانین کے مطابق درست ہے، اور وہ ہر گیند رک کر کراتے ہیں۔

انیل چوہدری نے مزید کہا کہ اگر عثمان طارق اپنے روٹین ایکشن سے ہٹ کر بولنگ کریں گے تو انہیں مسائل کا سامنا ہو سکتا ہے۔ انہوں نے مثال کے طور پر دیگر کھلاڑیوں کا حوالہ دیا جنہیں ان کے روٹین ایکشن سے ہٹنے پر روکا گیا تھا۔

سابق بھارتی کرکٹر روی چندرن ایشون نے بھی عثمان طارق کے بولنگ ایکشن کو قانونی قرار دیا تھا، جس سے پاک بھارت مقابلے میں پاکستانی اسپنرز کے خلاف بھارتی ٹیم کی محتاط حکمت عملی پر زور دیا گیا ہے۔