نیو یارک: (رائیٹ ناوٴ نیوز) ڈیوڈ رش نے ایک گھنٹے 20 منٹ تک تھوڑی پر کرسی کھڑی کر کے نیا گنیز ورلڈ ریکارڈ قائم کر دیا ہے۔ رش، جو اکثر گنیز ورلڈ ریکارڈز توڑتے ہیں، نے پہلے بھی تھوڑی پر سیڑھی کھڑی کرنے کا ریکارڈ بنایا تھا۔

ڈیوڈ رش نے بتایا کہ انہوں نے گردن کو مضبوط بنانے کی خصوصی ورزشیں کیں تاکہ اس ریکارڈ کو حاصل کر سکیں۔ ان کا کہنا تھا کہ اس عمل کے دوران جبڑوں، گردن اور ریڑھ کی ہڈی پر دباؤ پڑتا ہے اور کنٹرول کو برقرار رکھنا مشکل ہوتا ہے۔

ڈیوڈ رش نے اس سے پہلے ایک گھنٹے 8 منٹ کا ریکارڈ بنایا تھا، لیکن ایک اور شخص نے ایک گھنٹے 19 منٹ کے ساتھ ان کا ریکارڈ توڑ دیا تھا۔ تاہم، اپنی محنت کے نتیجے میں رش نے دوبارہ یہ ریکارڈ اپنے نام کر لیا ہے۔