لاہور: (رائیٹ ناوٴ نیوز) پاکستان کے معروف رائٹر ناصر ادیب نے اداکار شان شاہد کو سخت الفاظ میں تنقید کا نشانہ بنایا ہے۔ عید الفطر پر شان شاہد کی نئی پنجابی فلم ‘بھلا’ کی ریلیز کی تیاریوں کے دوران، ایک تقریب میں اداکار نے ناصر ادیب کی عدم موجودگی پر طنزیہ جواب دیا کہ وہ کہیں بیٹھ کر برائیاں کر رہے ہوں گے۔ اس پر ناصر ادیب نے ویڈیو کلپ کے ذریعے جواب دیا کہ شان صاحب، اگر رائٹر نہ ہو تو آپ کہاں کے ہیرو ہیں؟ انہوں نے مزید کہا کہ شان شاہد وقت کی پابندی نہیں کرتے اور اپنی مرضی کے مطابق اسکرپٹ میں تبدیلیاں کرواتے ہیں۔ ناصر ادیب نے یہ بھی کہا کہ فلم انڈسٹری کے زوال میں شان شاہد کا کردار ہے کیونکہ ان کی تاخیر سے فلمیں متاثر ہوتی ہیں۔