صدر مملکت نے وزیراعظم کی مشاورت پر عنبرین جان کو پیمرا کی پہلی خاتون چیئرپرسن مقرر کر دیا۔ یہ تقرری میڈیا شعبے میں خواتین کی نمائندگی بڑھا سکتی ہے۔
اسلام آباد: (رائیٹ ناوٴ نیوز) صدر مملکت نے وزیراعظم کی مشاورت پر عنبرین جان کو پاکستان الیکٹرانک میڈیا ریگولیٹری اتھارٹی (پیمرا) کی چیئرپرسن مقرر کرنے کی منظوری دے دی ہے۔
صدر آصف علی زرداری نے نوٹیفکیشن جاری کر دیا۔ عنبرین جان ملک کی الیکٹرانک میڈیا ریگولیٹری اتھارٹی کی پہلی خاتون سربراہ ہیں۔
ان کی تقرری سے الیکٹرانک میڈیا کے شعبے میں خواتین کی نمائندگی میں اضافہ متوقع ہے اور یہ قدم میڈیا ریگولیشن میں نیا باب کھول سکتا ہے۔
