العلاء کانفرنس 2026 میں وزیر خزانہ محمد اورنگزیب نے سعودی اور عالمی بینک حکام سے ملاقاتیں کیں، جس میں پاکستانی ٹیک ٹیلنٹ کی تعریف کی گئی۔
العلاء: (رائیٹ ناوٴ نیوز) وزیر خزانہ محمد اورنگزیب نے العلاء کانفرنس 2026 میں سعودی اور عالمی بینک حکام سے اہم ملاقاتیں کیں۔ کانفرنس میں ابھرتی معیشتوں کے عالمی مکالمے میں پاکستان نے بھرپور شرکت کی۔
کانفرنس میں وزیر خزانہ سمیت قطر، سعودی عرب، چین، ترکیہ اور آئی ایم ایف کی اعلیٰ قیادت شریک ہوئی۔ وزیر خزانہ اورنگزیب کی سعودی وزیر معیشت سے سرمایہ کاری اور اقتصادی تعاون پر ملاقات ہوئی، جس میں سعودی وزیر نے پاکستان کے اے آئی اور ٹیکنالوجی ٹیلنٹ کی تعریف کی۔
سعودی وزیر فیصل بن فاضل الابراہیم نے کہا کہ سعودی عرب اپنی تکنیکی ترقی میں پاکستانی ٹیک ماہرین سے فائدہ اٹھانے کا خواہاں ہے۔ کانفرنس میں اعلیٰ سطحی روابط پاکستان کے عالمی مالیاتی قیادت کے ساتھ مضبوط تعلقات کی نشاندہی کرتے ہیں۔
