لاہور: (رائیٹ ناوٴ نیوز) نیند اور بیداری کے حوالے سے ایک نئی تحقیق میں پانچ مختلف اقسام کی نشاندہی کی گئی ہے، جو لوگوں کے سونے اور جاگنے کے مختلف معمولات کی عکاسی کرتی ہیں۔

تحقیق کے مطابق، جو جرنل نیچر کمیونیکیشنز میں شائع ہوئی، 27 ہزار سے زائد افراد کے ڈیٹا کا تجزیہ کیا گیا تاکہ ان اقسام کے درمیان فرق کو واضح کیا جا سکے۔ ان اقسام میں شامل افراد کے طرز زندگی، جینیات اور ماحولیات کے پیچیدہ امتزاج کا بھی جائزہ لیا گیا۔

پہلا گروپ رات گئے تک جاگنے والے افراد پر مشتمل ہوتا ہے، جو ویڈیو گیمز کھیلتے ہیں اور طرز زندگی کے کچھ خطرناک عناصر جیسے تمباکو نوشی اور ڈپریشن کا شکار ہوتے ہیں۔

دوسرا گروپ خواتین کی اکثریت پر مشتمل ہوتا ہے، جن میں تعصب اور ڈپریشن کی علامات پائی جاتی ہیں جبکہ طبی مسائل کی شرح کم ہوتی ہے۔

تیسرا گروپ مردوں کی اکثریت پر مشتمل ہوتا ہے، جن میں بال جھڑنے یا مثانے کے امراض کا سامنا ہوتا ہے اور یہ افراد بھی تمباکو نوشی کے عادی ہوتے ہیں۔

چوتھا گروپ تعلیم سے جڑے افراد پر مشتمل ہوتا ہے، جو تمباکو نوشی نہیں کرتے اور جذباتی مسائل کا کم سامنا کرتے ہیں۔

پانچواں گروپ ایسے افراد پر مشتمل ہوتا ہے، جو علی الصبح جاگنے والے ہوتے ہیں، مگر جذباتی کنٹرول میں ماہر ہوتے ہیں۔

محققین کا کہنا ہے کہ ہر فرد کے سونے جاگنے کے معمولات کے اپنے خطرات اور فوائد ہوتے ہیں، اور ایسا کوئی مثالی معمول نہیں جسے سب کے لیے بہترین قرار دیا جاسکے۔