اسلام آباد: (رائیٹ ناوٴ نیوز) اسلام آباد ہائی کورٹ کے جسٹس محسن اختر کیانی نے عدالتوں کی موجودہ حالت پر شدید برہمی کا اظہار کیا ہے۔ انہوں نے کہا کہ عدالتوں کا کوئی حال نہیں رہا، یہ ڈاک خانہ بن گئی ہیں۔

جسٹس کیانی نے یہ ریمارکس ایک کیس کی سماعت کے دوران دیے جہاں درخواست گزار نے متعلقہ محکمے میں بیان حلفی جمع نہیں کرایا تھا۔ انہوں نے کہا کہ عدالتوں کو ڈاک خانہ سمجھ لیا گیا ہے اور ان کی حالت بہت خراب ہو چکی ہے۔

عدالت نے درخواست گزار کو بیان حلفی جمع کرانے کی دوبارہ ہدایت کرتے ہوئے سماعت ملتوی کر دی۔