لندن: (رائیٹ ناؤ نیوز) پاکستان کرکٹ ٹیم کی ناقص کارکردگی کے باعث ہیڈ کوچ سرفراز احمد اور بولنگ کوچ عمر گل کو عہدوں سے فارغ کرنے کا فیصلہ کر لیا گیا ہے۔ یہ فیصلہ لندن میں پاکستان کرکٹ بورڈ کے چیئرمین محسن نقوی کی زیر قیادت ہونے والی میٹنگ میں کیا گیا۔

ذرائع نے بتایا ہے کہ سرفراز احمد اور عمر گل تیسرے ٹیسٹ تک ٹیم کے ساتھ رہیں گے، اس کے بعد انہیں ذمہ داریوں سے فارغ کر دیا جائے گا۔ سلمان علی آغا کو بھی تیسرے ٹیسٹ سے قبل وطن واپس بھیجنے کا امکان ہے۔

برمنگھم ٹیسٹ میں مائیک ہیسن کوچز کے سربراہ ہوں گے اور سری لنکا اور نیوزی لینڈ کی ہوم سیریز میں بھی وہی کوچ کی ذمہ داریاں نبھائیں گے۔

یہ فیصلہ پاکستان ٹیم کی حالیہ کارکردگی کے پیش نظر کیا گیا ہے، جس کے باعث ٹیم انتظامیہ کو تبدیل کرنے کی ضرورت محسوس کی گئی۔

یاد رہے کہ سلمان علی آغا، رضوان اور امام الحق کے ساتھ وطن واپس آئیں گے۔ یہ تبدیلیاں پاکستان کرکٹ ٹیم کی کارکردگی کو بہتر بنانے کے لیے کی جا رہی ہیں۔