کراچی: (رائیٹ ناؤنیوز) صوبائی وزیر سندھ سعید غنی نے کہا ہے کہ لسانیت کی سیاست کا خاتمہ کرنا ہوگا۔ انہوں نے جلسے سے خطاب کرتے ہوئے لسانیت کی بنیاد پر ووٹ لینے کی مخالفت کی ہے۔

انہوں نے کہا کہ کراچی میں لوگ اب کارکردگی، نظریات اور سوچ کی بنیاد پر ووٹ دیں۔ شہر میں نفرتوں کا خاتمہ ہم سب کی ذمہ داری ہے اور اس کے لیے کام کرنا ہوگا۔

سعید غنی نے کہا کہ پیپلزپارٹی میں آپ کو ہر عہدے پر مختلف رنگ و نسل کے لوگ ملیں گے۔ ان کا کہنا تھا کہ پارٹی میں مختلف زبان بولنے والے افراد کو نمائندگی دی گئی ہے۔

انہوں نے مزید کہا کہ پارٹی میں سب کو یکساں مواقع فراہم کیے جا رہے ہیں۔ اس سے ثابت ہوتا ہے کہ پیپلزپارٹی میں لسانیت کی کوئی گنجائش نہیں ہے۔

یاد رہے کہ کراچی میں ماضی میں لسانیت کی سیاست نے کئی مسائل پیدا کیے ہیں، جن کی وجہ سے شہر میں متعدد بار کشیدگی دیکھنے میں آئی ہے۔