مظفر آباد: (رائیٹ ناؤنیوز) صدر پیپلز پارٹی آزاد کشمیر چودھری یاسین نے انتخابات میں دھاندلی کا الزام عائد کیا ہے۔ انہوں نے کہا کہ 2016 کے انتخابات میں بھی منصوبہ بندی کے تحت دھاندلی کی گئی تھی۔

چودھری یاسین نے پریس کانفرنس میں کہا کہ آزاد کشمیر انتخابات میں پنجاب پولیس جانبدار رہی۔ ایل اے 9، ایل اے 11، ایل اے 12 اور ایل اے 5 میں دھاندلی ہوئی۔

انہوں نے دعویٰ کیا کہ رانا ثنااللہ نے پہلے ہی کہا تھا کہ آزاد کشمیر میں حکومت بنائیں گے۔ پنجاب کی 10 نشستیں مسلم لیگ ن کی جیب میں ہیں۔

چودھری یاسین نے کہا کہ وفاقی وزرا کے بیانات کشمیر میں صورت حال کو بگاڑ رہے ہیں۔ مبینہ دھاندلی کے معاملے پر کمیٹی بنائی گئی تھی جس میں مسلم لیگ ن بھی شامل تھی۔

واضح رہے کہ مسلم لیگ ن نے ابتدا میں کمیٹی سے اتفاق کیا لیکن بعد میں پیچھے ہٹ گئی۔ آزاد کشمیر تحریک آزادی کا بیس کیمپ ہے اور عوام کے مینڈیٹ کا احترام لازم ہے۔