اسلام آباد: (رائیٹ ناؤ نیوز) وزیراعظم کے مشیر رانا ثنااللہ نے کہا ہے کہ محسن نقوی مسلم لیگ ن کے سینیٹر اور پارٹی کے وزیر داخلہ ہیں۔ ان کا کہنا ہے کہ نقوی نے سسٹم پر اپنی رائے کسی کے دباؤ کے بغیر دی۔

رانا ثنااللہ نے جیو نیوز کے پروگرام جرگہ میں گفتگو کرتے ہوئے کہا کہ نقوی کی رائے ان کی ذاتی سوچ کی عکاسی کرتی ہے۔ اس معاملے پر کسی اور نے کوئی بات نہیں کی اور نہ ہی کوئی خواہش ظاہر کی ہے۔

ثنااللہ کا مزید کہنا تھا کہ ہم جانتے ہیں کہ سیاسی حدود کیا ہیں اور انہیں کیسے عبور کیا جاتا ہے۔ ہمیں کسی کی مشاورت کی ضرورت نہیں ہے۔

رانا ثنا نے واضح کیا کہ نقوی آزاد نہیں بلکہ مسلم لیگ ن کی نمائندگی کرتے ہیں۔ ان کی سیاسی وابستگی مسلم لیگ ن سے ہے۔

یاد رہے کہ محسن نقوی کے بیانات پر مختلف سیاسی حلقوں کی جانب سے تشویش کا اظہار کیا گیا تھا، تاہم رانا ثنا نے ان کے مؤقف کی وضاحت کی۔