جبرالٹر: (رائیٹ ناؤنیوز) اسپین اور برطانوی زیرِ انتظام جبرالٹر کے درمیان سرحدی باڑ کو ختم کر دیا گیا ہے۔ اس اقدام سے دونوں علاقوں کے درمیان آمدورفت کو آسان بنایا گیا ہے۔

نئے معاہدے کے تحت سرحدی چیکنگ نظام میں تبدیلی کی گئی ہے۔ اس سے اسپین سے جبرالٹر جانے والے ہزاروں افراد کو سہولت ملے گی۔ جبرالٹر کو یورپی شینجن نظام سے منسلک کیا گیا ہے جبکہ برطانوی خود مختاری برقرار رہے گی۔

حکام نے بتایا کہ معاہدہ برطانیہ، یورپی یونین اور اسپین کے درمیان طویل مذاکرات کے بعد طے پایا۔ جبرالٹر جغرافیائی اہمیت کی وجہ سے یورپ اور بحیرۂ روم میں اہم مقام رکھتا ہے۔

ہسپانوی وزیرِاعظم پیدرو سانچیز نے اس اقدام کو تاریخی پیشرفت قرار دیا۔ انہوں نے کہا کہ یہ یورپ کی آخری دیوار کے خاتمے کے مترادف ہے۔

یاد رہے کہ یہ اقدام بریگزٹ کے بعد پیدا ہونے والے مسائل کو کم کرنے کے لیے یورپی یونین اور برطانیہ کے درمیان نئے معاہدے کے نفاذ کے بعد ممکن ہوا۔