اسلام آباد: (رائیٹ ناوٴ نیوز) وزیراعظم شہباز شریف سے پاکستانی خلاباز خرم داؤد اور محمد ذیشان علی کی ملاقات ہوئی۔ وزیراعظم نے ان کی کامیابی پر دل کی گہرائیوں سے مبارکباد دی۔

وزیراعظم نے کہا کہ آپ کا خلائی مشن پاکستان کے لیے ایک اہم سنگ میل ہے۔ یہ پوری قوم کے لیے فخر کا باعث ہے۔ آپ کی محنت اور لگن نے آپ کو یہ مقام دیا۔ چین کے تعاون سے یہ سفر دونوں ممالک کے تعلقات میں نئی جہتوں کا اضافہ کرے گا۔

ملاقات میں سپارکو کے خلاباز اتاشی حسنین افتخار، نائب وزیراعظم اسحاق ڈار اور دیگر اہم شخصیات موجود تھیں۔ چینی سفیر نے بھی اس موقع پر دونوں ممالک کے تعاون کو سراہا۔

خلابازوں نے کہا کہ پاکستان کے لیے خلاء میں تحقیق کرنا ایک منفرد اعزاز ہے۔ وہ قوم کی امیدوں پر پورا اترنے کی کوشش کریں گے۔

واضح رہے کہ یہ مشن چین کی مدد سے انجام دیا گیا، جس سے پاک چین دوستی کو مزید تقویت ملی۔