تہران: (رائیٹ ناوٴ نیوز) ایران پر اسرائیل کی یک طرفہ جنگ اور امریکا کی عسکری حمایت کے باوجود ایران کی مضبوط مزاحمت جاری ہے۔ ایران کی دس لاکھ کی فوج اور مضبوط عسکری قیادت نے ایران کو غزہ بنانے کی کوششوں کو ناکام بنا دیا ہے۔

ایران کی موجودہ صورتحال اسرائیل اور امریکا کی توقعات کے برعکس ہے۔ ایرانی وزیر خارجہ نے واضح کیا کہ ایران اپنی سرزمین پر کسی بھی زمینی حملے کا انتظار کر رہا ہے اور اس کے لیے مکمل تیار ہے۔

امریکا اور اسرائیل کی فضائی حملوں کی شدت کے باوجود ایران کی عسکری قوت محفوظ ہے اور ایرانی قیادت متحد ہے۔ کردوں کو ایرانی افواج کے خلاف استعمال کرنے کی امریکی کوشش بھی ناکام ہو چکی ہے۔

ایران کے پاس موجود عسکری طاقت اور عوام کی حمایت کے باعث امریکا اور اسرائیل کے لیے ایران کو کمزور کرنا مشکل ثابت ہو رہا ہے۔ امریکا کی جانب سے ایرانی قیادت کے چناؤ کی دھمکیاں بھی بے اثر رہی ہیں۔

ایران کی فضائی اور بحری قوت محدود ہونے کے باوجود زمینی جنگ میں اس کی کامیابی کے امکانات روشن ہیں۔ ایرانی عوام کی مزاحمت اور عسکری قوت نے ثابت کر دیا ہے کہ ایران کو غزہ نہیں بنایا جا سکتا۔