تل ابیب: (رائیٹ ناوٴ نیوز) اسرائیلی وزارت صحت نے تصدیق کی ہے کہ ایران سے جنگ کے آغاز کے بعد سے اسرائیل میں 1900 سے زائد زخمی اسپتالوں میں داخل ہوچکے ہیں۔ گزشتہ 24 گھنٹوں میں 157 زخمی افراد اسپتال لائے گئے ہیں۔

وزارت صحت نے 13 افراد کی ہلاکت کی تصدیق کی ہے، جبکہ 112 زخمیوں کی حالت تشویش ناک بتائی گئی ہے۔ اسرائیلی ریسکیو سروسز کے مطابق، تل ابیب پر ایرانی میزائل حملے میں 6 افراد زخمی ہوئے ہیں۔

پولیس نے بتایا ہے کہ وسطی اسرائیل میں میزائل یا اس کے ٹکڑے گرنے کی اطلاعات ملی ہیں۔ حکام کا کہنا ہے کہ ایرانی بیلسٹک میزائل میں کلسٹر بم وارہیڈ نصب تھا۔

دوسری جانب، جنوبی لبنان میں حزب اللہ کے حملے میں 2 اسرائیلی فوجی ہلاک ہوگئے ہیں۔ ہلاک ہونے والوں میں سارجنٹ فرسٹ کلاس ماہر خطار شامل ہیں۔

اسرائیلی میڈیا کے مطابق، یہ واقعہ جنوبی لبنان میں فوجی چوکی کے قریب پیش آیا۔ ابتدائی تحقیقات کے مطابق، ایک پیوما بکتر بند گاڑی کو نکالنے کے دوران اینٹی ٹینک میزائل یا مارٹر سے آگ بھڑک اٹھی جس میں دونوں فوجی ہلاک ہوگئے۔