واشنگٹن: (رائیٹ ناوٴ نیوز) امریکی صدر ڈونلڈ ٹرمپ نے کہا ہے کہ ان کی انتظامیہ کا موجودہ فوکس ایران کے ساتھ جاری تنازعے پر ہے اور پہلے اسے حل کرنا چاہتے ہیں، اس کے بعد کیوبا کو نشانہ بنانے پر غور کیا جائے گا۔

صدر ٹرمپ نے وائٹ ہاؤس میں ایک تقریب کے دوران کہا کہ وینزویلا کو مستحکم کر دیا گیا ہے اور اس کی تیل کی کمائی میں اضافہ ہوا ہے۔ انہوں نے کہا کہ واشنگٹن کی سفارتی کوششیں ایران کے تنازعے کے بعد کیوبا کی جانب منتقل ہو سکتی ہیں۔

انہوں نے مزید کہا کہ کیوبا واشنگٹن کے ساتھ معاہدہ کرنے میں دلچسپی رکھتا ہے، اور جب تعلقات بہتر ہوں گے تو بہت سے کیوبائی امریکی واپس جا سکتے ہیں۔

صدر ٹرمپ نے برطانوی وزیراعظم پر بھی تنقید کرتے ہوئے کہا کہ کیئر اسٹارمر ونسٹن چرچل نہیں ہیں اور برطانیہ کے وزیرِاعظم کے رویے پر مایوسی کا اظہار کیا۔