کراچی: (رائیٹ ناوٴ نیوز) وزیرداخلہ کے احکامات پر آئی جی سندھ نے امریکی قونصلیٹ کے اطراف میں ناقص سیکیورٹی کے انتظامات پر اعلیٰ افسران کو معطل کر دیا ہے۔

آئی جی سندھ نے یکم مارچ کو امریکی قونصل خانے کے اطراف ناقص سیکیورٹی، فرائض میں غفلت اور بدانتظامی کی شکایت پر ایس ایس پی، ایس ڈی پی او کیماڑی، ایس ایچ اوز ڈاکس، سائٹ بی، کے پی ٹی، جیکسن اور انچارج فارن سیکیورٹی سیل کو معطل کر دیا۔

معطل افسران کو پولیس ہیڈکوارٹر گارڈن رپورٹ کرنے کے احکامات جاری کیے گئے ہیں۔ آئی جی سندھ نے واقعے کی تحقیقات کے لیے ایڈیشنل آئی جی سی ٹی ڈی کی سربراہی میں 6 رکنی کمیٹی تشکیل دی ہے۔

تحقیقاتی کمیٹی کو 7 روز میں رپورٹ پیش کرنے کی ہدایت کی گئی ہے۔ وزیر اعلیٰ سندھ اور وزیر داخلہ کی ہدایت کی روشنی میں یہ اقدامات کیے گئے ہیں۔