شمالی وزیرستان: (رائیٹ ناوٴ نیوز) آپریشن غضب للحق کے تحت پاک فوج نے افغان طالبان کی مرکزی پوسٹ پر کنٹرول حاصل کر لیا۔ سیکیورٹی ذرائع کے مطابق پاک افغان سرحد پر افغان طالبان کی بلا اشتعال جارحیت کے جواب میں پاک فوج نے بھرپور کارروائی کی۔ 28 فروری کو پاکستانی جوانوں کی افغانستان میں داخل ہونے کی ویڈیو بھی منظر عام پر آئی ہے۔

پاک فوج نے شمالی وزیرستان سے ملحقہ سرحدی باڑ عبور کر کے افغان طالبان کی پوسٹ پر قبضہ کر لیا، جس کے بعد طالبان فرار ہونے لگے۔ اس کارروائی کے دوران افغان طالبان کے کمپاؤنڈز کو کلیئر کیا گیا اور دشمن کے جھنڈے اتار دیے گئے۔

آپریشن غضب للحق بدستور جاری ہے اور اس کا مقصد اہداف کو مکمل طور پر حاصل کرنا ہے۔ اتوار کو کرم سیکٹر سے ملحقہ چیک پوسٹ کو بھی تباہ کر دیا گیا، جس میں متعدد افغان اہلکار ہلاک ہوئے۔

افغان طالبان کی بلا اشتعال جارحیت کے بعد پاکستان کا رد عمل جاری ہے، اور مختلف مقامات پر افغان طالبان کی چیک پوسٹوں کو نشانہ بنایا گیا ہے۔ وزیر اطلاعات عطا تارڑ کے مطابق، آپریشن کے دوران 352 افغان اہلکار مارے گئے اور 535 سے زائد زخمی ہوئے ہیں۔