پاکستانی سیکیورٹی فورسز نے خیبر پختونخوا میں افغان طالبان کی بلااشتعال فائرنگ کا مؤثر جواب دیا، چترال سمیت مختلف سیکٹرز میں طالبان کے ٹھکانے تباہ کیے گئے۔
اسلام آباد: (رائیٹ ناوٴ نیوز) حکومت پاکستان نے کہا ہے کہ افغان طالبان کی جانب سے خیبر پختونخوا کے سرحدی مقامات پر بلااشتعال فائرنگ کی گئی، جس کا پاکستانی سیکیورٹی فورسز نے فوری اور مؤثر جواب دیا۔ وزارت اطلاعات کے مطابق چترال، خیبر، مہمند، کرم اور باجوڑ کے سیکٹرز میں طالبان فورسز کو نشانہ بنایا گیا اور افغان جانب کو نقصان پہنچایا گیا۔
پاکستانی ذرائع نے بتایا کہ چترال سیکٹر کے سامنے واقع افغان چیک پوسٹ سمیت متعدد طالبان کے ٹھکانے تباہ کیے گئے اور حملہ آور عناصر فرار ہو گئے۔ باجوڑ کے سامنے دو افغان چوکیوں کو بھی تباہ کیا گیا۔
پارلیمانی امور کے وزیر طارق فضل چوہدری نے سوشل میڈیا پر کہا کہ افغان طالبان کی اشتعال انگیزی کا فیصلہ کن جواب دیا گیا اور دشمن کی پیش قدمی ناکام بنائی گئی۔
Afghan Taliban regime unprovoked action along the Pakistan–Afghanistan border given an immediate, and effective response.
Afghan Taliban miscalculated and opened unprovoked fire on multiple locations across Pakistan Afghanistan border in KP which is being met with immediate, and…
— Ministry of Information & Broadcasting (@MoIB_Official) February 26, 2026
یہ جھڑپیں ایسے وقت میں ہوئیں جب ایک ہفتہ قبل پاکستان نے افغانستان کے صوبوں ننگرہار اور پکتیکا میں دہشت گرد کیمپوں کو نشانہ بنایا تھا۔ وزارت اطلاعات کے مطابق یہ کارروائیاں پاکستان میں ہونے والے دہشت گرد حملوں کے ردعمل میں کی گئیں۔
