اسلام آباد: (رائیٹ ناوٴ نیوز) چیئرمین پاکستان تحریک انصاف نے میڈیا سے گفتگو کرتے ہوئے وزیر داخلہ محسن نقوی کے ساتھ کانفرنس کال میں شریک دوسرے شخص کا نام سہیل آفریدی بتایا۔ یہ وضاحت انہوں نے علیمہ خان کے سوال پر دی۔

بیرسٹر گوہر نے کہا کہ علیمہ خان کا سوال تھا کہ کانفرنس کال میں دوسرا شریک کون تھا، جس پر انہوں نے سہیل آفریدی کا نام واضح کیا۔

چیئرمین پی ٹی آئی نے کہا کہ پارٹی نے بانی کی صحت کے حوالے سے فیملی سے کچھ نہیں چھپایا اور ہر لمحے کی اپ ڈیٹس فراہم کی گئی ہیں۔

انہوں نے کہا کہ پارٹی قیادت پر اعتماد برقرار رکھا جائے اور غلط فہمیوں کو دور کرنے کے لیے اتحاد و مشاورت کو فروغ دیا جائے۔