تہران: (رائیٹ ناوٴ نیوز) ایرانی وزیر خارجہ عباس عراقچی نے بھارتی وزیراعظم نریندر مودی کے دورہ اسرائیل پر تنقید کرتے ہوئے اسے افسوسناک قرار دیا ہے۔ عباس عراقچی نے کہا کہ ایران انسانی حقوق کے خلاف اسرائیلی پالیسیوں کی مذمت کرتا ہے اور امید ظاہر کی کہ بھارت فلسطین کے مسئلے پر فعال کردار ادا کرے گا۔

عراقچی نے کہا کہ اسرائیل کی کارروائیاں پورے علاقے کو تباہی کی جانب لے جا رہی ہیں اور بین الاقوامی ادارے انسانی بحران کی سنگینی کی تصدیق کر چکے ہیں۔ انہوں نے مزید کہا کہ ایران ایسی حکومت کے ساتھ تعلقات بڑھانے کو مناسب نہیں سمجھتا جو انسانی حقوق کی خلاف ورزیاں کر رہی ہو۔

ایرانی وزیر خارجہ نے نئی دہلی پر زور دیا کہ وہ مشرق وسطیٰ میں تشدد کے خاتمے کے لئے مثبت سفارتی کوششیں کرے اور فلسطینیوں کی حمایت میں فعال کردار ادا کرے۔