لندن: (رائیٹ ناوٴ نیوز) کنگز کالج کے پروفیسر کینتھ پین کی نئی تحقیق کے مطابق مصنوعی ذہانت کے ماڈلز انسانوں کے مقابلے میں جوہری جنگ شروع کرنے کے زیادہ خواہش مند ہیں۔ تحقیق میں یہ بات سامنے آئی کہ اے آئی نظام ‘وارگیمز’ فلم کی مشین کی طرح خونخوار ثابت ہو رہے ہیں۔

تحقیق کے دوران اے آئی ماڈلز نے جوہری ہتھیاروں کے استعمال پر زیادہ آمادگی ظاہر کی اور وہ جوہری ہتھیاروں کے ساتھ لڑنے کے لیے تیار دکھائی دیے۔ چیٹ جی پی ٹی، کلاڈ اور جیمنائی نے فرضی بحرانوں میں جوہری ہتھیاروں کی طرف رہنمائی کی۔

کلاڈ اور جیمنائی جوہری ہتھیاروں کے استعمال پر اخلاقی حد کے بجائے جائز اسٹریٹیجک آپشن کی طرف مائل رہے جبکہ چیٹ جی پی ٹی اس رجحان کا جزوی مخالف نظر آیا۔ ماہرین نے ان نتائج کو انتہائی تشویشناک قرار دیا۔