اسلام آباد: (رائیٹ ناوٴ نیوز) سپریم کورٹ کے باہر پاکستان تحریکِ انصاف کے ارکان پارلیمنٹ نے احتجاج کیا۔ یہ احتجاج بانی عمران خان کے مقدمات مقرر کرنے اور اہلِ خانہ سے ملاقات کرانے کے مطالبے پر مبنی تھا۔

احتجاج میں اپوزیشن لیڈر سینیٹ علامہ راجہ ناصر عباس، سلمان اکرم راجہ، عامر ڈوگر، شفیع جان، محمد حسین، شاہد خٹک سمیت دیگر ارکان اسمبلی نے شرکت کی۔ شرکاء نے بانی پی ٹی آئی عمران خان کے ذاتی معالجین سے معائنے کا بھی مطالبہ کیا۔

یہ احتجاج اس وقت ہوا جب چند دن قبل اپوزیشن ارکان نے پارلیمنٹ کے احاطے میں جبکہ پی ٹی آئی کارکنان نے موٹروے پر دھرنا دیا تھا۔ بعد میں وزیراعلیٰ سہیل آفریدی نے رمضان کے بعد عمران خان رہائی فورس تشکیل دینے کا اعلان کیا تھا اور احتجاج ختم کیا گیا تھا۔