اسلام آباد: (رائیٹ ناوٴ نیوز) صومالیہ نے پاکستان سے 24 جے ایف 17 تھنڈر طیاروں کی خریداری کے لیے مذاکرات میں اہم پیشرفت کی ہے۔ دونوں ممالک کے درمیان 2 کھرب 51 ارب روپے کا دفاعی معاہدہ زیر غور ہے۔

صومالیہ کے اعلیٰ حکام اور پاکستان کے درمیان ان مذاکرات کا مقصد صومالیہ کی فضائی جنگی صلاحیت کو بحال کرنا ہے، جو 1991 کے بعد پہلی بار ممکن ہو رہا ہے۔ یہ معاہدہ جے ایف 17 کے جدید بلاک تھری ورژن پر مشتمل ہو گا۔

اگر یہ معاہدہ طے پا جاتا ہے تو یہ صومالیہ کی سرد جنگ کے بعد سب سے بڑی دفاعی خریداری ہوگی، جو افریقہ کے سکیورٹی ڈھانچے کو نمایاں طور پر متاثر کرے گی۔

معاہدے میں جے ایف 17 طیاروں کے علاوہ پائلٹ تربیت، ہتھیاروں کے انضمام، اور لاجسٹکس پیکج بھی شامل ہیں۔ سعودی عرب اور ترکیہ ممکنہ مالی معاونین میں شامل ہیں۔