اسلام آباد: (رائیٹ ناوٴ نیوز) سابق رہنما تحریک انصاف اور رکن قومی اسمبلی شیر افضل مروت نے کہا ہے کہ علیمہ خان کی جانب سے تنقید نے پی ٹی آئی کو ناقابل تلافی نقصان پہنچایا ہے۔ انہوں نے ایک ٹی وی پروگرام میں بات کرتے ہوئے کہا کہ علیمہ خان نے ان کے خلاف سوشل میڈیا پر مہم چلائی ہے اور اگر وہ چاہیں تو عدالت جا سکتی ہیں۔

شیر افضل مروت نے مزید کہا کہ علیمہ خان نے پارٹی کے کئی لوگوں کو نوکر سمجھا اور ان پر تنقید کی۔ علی امین گنڈا پور کی پارٹی میں مضبوط پوزیشن ہے اور کئی ایم پی ایز اور ایم این ایز ان کے ساتھ ہیں۔

ان کا کہنا تھا کہ علی امین گنڈا پور جادوگر نہیں تھے جو بانی کو جیل سے نکالتے، ان کے خلاف سازش تین ماہ سے چل رہی تھی۔ انہوں نے مزید کہا کہ بشریٰ بی بی اور مراد سعید نے سہیل آفریدی کو وزیراعلیٰ بنایا، جبکہ علیمہ خان ان سے بھی ناراض ہیں۔