کراچی: (رائیٹ ناوٴ نیوز) پاکستان میں سونے کی قیمت میں مسلسل چوتھے روز بھی اضافہ ہوا ہے۔

آل پاکستان صرافہ جیمز اینڈ جیولرز ایسوسی ایشن کے مطابق ملک میں فی تولہ سونا 7100 روپے بڑھ کر 533,562 روپے کا ہوگیا ہے۔ دس گرام سونے کی قیمت میں 6087 روپے کا اضافہ ہوا ہے جس کے بعد اس کی قیمت 457,443 روپے ہوگئی ہے۔

چاندی کی قیمت بھی متاثر ہوئی ہے، جہاں فی تولہ چاندی 374 روپے بڑھ کر 8,948 روپے تک پہنچ گئی ہے۔ عالمی مارکیٹ میں فی اونس سونا 71 ڈالر مہنگا ہوکر 5,108 ڈالر کا ہوگیا ہے۔