اسلام آباد: (رائیٹ ناوٴ نیوز) پی ٹی آئی کے سیکرٹری اطلاعات شیخ وقاص اکرم نے کہا ہے کہ پی ٹی آئی کے بانی نے ن لیگ کے ساتھ کوئی ڈیل منظور نہیں کی۔ انہوں نے واضح کیا کہ ن لیگ کو پیغام ہے کہ ہم آج بھی ڈیل پر لعنت بھیجتے ہیں۔

شیخ وقاص کا کہنا تھا کہ حکومت نے جلسے کے التوا کے لیے رابطہ کیا تھا اور 10 سے 15 دنوں میں رہائی کی پیشکش کی تھی۔ انہوں نے مزید کہا کہ اگر ہم نے ڈیل لی ہوتی تو ڈی چوک میں ہمارے کارکنوں کو نقصان نہ پہنچتا۔

شیخ وقاص اکرم نے مزید بتایا کہ بانی پی ٹی آئی نے مذاکرات سے روکا ہے اور فیصلہ محمود اچکزئی کے سپرد کیا ہے۔ انہوں نے مزید کہا کہ فیملی ملاقات کے حوالے سے کوئی پیشکش نہیں دی گئی۔

انہوں نے واضح کیا کہ ان کے لئے بانی کی صحت اہم مسئلہ ہے اور انہوں نے بیرسٹر گوہر اور سیکرٹری جنرل سلمان اکرم راجہ کی پیروی کا عزم ظاہر کیا۔