لاہور: (رائیٹ ناوٴ نیوز) لاہور میں نرسنگ کی طالبہ پر جنسی حملہ کی کوشش کرنے والا ملزم آکاش کو گرفتار کر لیا گیا ہے۔ گلبرگ پولیس نے جدید ٹیکنالوجی کے ذریعے ملزم کو گلبرگ 3 سے ٹریس کیا۔ متاثرہ طالبہ قذافی سٹیڈیم کے قریب نجی کلینک میں پارٹ ٹائم کام کرتی تھی۔

ملزم نے 21 سالہ لڑکی سے زبردستی زیادتی کی کوشش کی، جس کے دوران لڑکی کو زمین پر گھسیٹا گیا اور اس کے بازوؤں اور ٹانگوں پر چوٹیں آئیں۔

ملزم آکاش کے خلاف مقدمہ درج کر کے جینڈر سیل کے حوالے کر دیا گیا ہے۔ ایس پی شہربانو نقوی نے کہا کہ خواتین کا استحصال کرنے والے کسی رعایت کے مستحق نہیں ہیں۔